سه‌روك بارزانى دگه‌ل سه‌ركردایه‌تیا پارتا دیموكراتا كوردستانا سووریا كومبوو
محه‌مه‌دسدیق
ل سه‌لاحه‌دین سه‌روك مه‌سعوود بارزانى دگه‌ل سكرتێر و ئه‌ندامێن سه‌ركردایه‌تیا پارتى دیموكراتى كوردستانا سووریا كومبوو، د كومبوونێ دا سكرتێرێ پارتا دیموكراتا كوردستانا سووریا كورتییه‌ك ژ ره‌وشا سیاسیا سووریا و وه‌لاتیێن كورد ل وێ ده‌ڤه‌رێ و دوماهى گورانكارییان ئێخسته به‌رچاڤ و هه‌روه‌سا به‌شه‌ك ژ كار و چالاكیێن پارتا خوه بو سه‌روك بارزانى به‌حسكر، و دیسان سوپاسیا سه‌روك بارزانى كر كو هه‌ر ژ ده‌ستپێكا قویرانا سووریا و هاتنا داعشێ پالپشتیا گه‌لێ كورد ل سووریا كرییه و بوویه هیڤییه‌كا مه‌زن بو گه‌لێ كود ل سووریا، پاشى سه‌روك بارزانى په‌یڤه‌ك پێشكێشى شاندێ مێهڤان كر و روناهى ژى ئێخسته سه‌ر ره‌وشا سیاسى ل سه‌ر ئاستێ ده‌ڤه‌رێ و نیڤده‌وله‌تى و دلگرانییا خوه ژى ژ ئایینده‌یێ گه‌لێ كورد ل سووریا دیاركر و شیره‌تێن پێدڤیى ژى ئاراسته كرن، سه‌روك بارزانى سوپاسیا خوه‌راگرییا ئه‌ندام و لایه‌نگرێن پارتا دیموكراتا كوردستان سووریا و وه‌لاتیێن كورد ل سووریا كر و هیڤى خواست ب ئومێد و ئیراده‌یه‌كا بهێز بمینن
