سه‌روك بارزانى پێشوازى ل كونسولێ گشتیێ كوێتێ ل هه‌ولێرێ كر

محه‌مه‌دسدیق

ئه‌ڤرو سه‌رۆك بارزانى پێشوازى ل دكتور عومه‌ر ئه‌حمه‌د ئه‌لكندرى كونسولێ گشتیێ كوێتێ ل هه‌ولێرێ و شانده‌كێ د گه‌ل دا كر، د دیداره‌كێ دا كونسولێ گشتى یێ كویتێ سلاڤێن ئه‌میرێ كوێتێ ب سه‌رۆك بارزانى گه‌هاند، ئاماژه‌ ب وێ یه‌كێ كر كو ئه‌میرێ كوێتێ هیڤى خوازبوو دگه‌ل سه‌ره‌دانا وى یا به‌غدا سه‌ره‌دانا هه‌رێما كوردستانێ ژى كربا، به‌لێ ده‌رفه‌ت نه‌ره‌خسا و ب ته‌له‌فونێ په‌یوه‌ندى ب جه‌نابێ هه‌وه‌ كر و ئه‌م ژى راسپاردینه‌ جاره‌كا دیتر ژى سلاڤ و رێزێن ئه‌میرى بگه‌هینن جه‌نابێ هه‌وه‌، هه‌ر د وێ كومبوونێ دا ته‌كه‌زى ل په‌یوه‌ندیێن مێژوویى یێن دناڤبه‌را گه‌لێ كوردستانێ و گه‌ل و ده‌وله‌تا كوێتێ كره‌ڤه‌، و شاندێ مێهڤان خوه‌شحالیا خوه‌ بۆ پێشكه‌فتنا سیاسى یا هه‌رێما كوردستانێ راگه‌هاند، و پیرۆزباهییا سه‌روك بارزانى كر، د به‌شه‌كێ دیتر یێ دیدارێ داره‌وشا سیاسى یا عیراقێ و ده‌ڤه‌رێ و په‌یوه‌ندیێن هه‌رێمێ و به‌غدا ئێخستن به‌ر به‌حسكرنێ