په‌رله‌مان دێ لێپرسینێ دگه‌ل عه‌بدولمه‌هدی كه‌ت
په‌رله‌مانێ ئیراقێ ب نیازه سه‌رۆكێ وه‌زیران مێهڤان بكه‌ت و به‌رسڤا پرسێن په‌رله‌مانتاران لدۆر به‌رنامێ حكومه‌تا خوه بده‌ت.
لژنه‌یا چاڤدێرییا به‌رنامێ حكومه‌تێ ل په‌رله‌مانێ ئیراقێ دیاركرییه، به‌ری ب داوی هاتنا وه‌رزێ یاسادانانێ، عادل عه‌بدولمه‌هدی دێ بۆ په‌رله‌مانی هێت گازیكرن و لێپرسین لدۆر بجهئینانا به‌رنامێ حكومه‌ی د گه‌ل دا هێت كرن.
لژنا ناڤهاتی ئاماژه‌كرییه، به‌رنامێ حكومه‌تێ ئاماژه ب هنده‌ك ده‌مێن ده‌ستنیشانكری بۆ بجهئینانێ كرییه و ژبه‌ركو ئه‌و مۆله‌ته ب داوی هاتینه و به‌رنامه نه‌هاتییه بجهئینان، سه‌رۆكێ وه‌زیران دێ به‌رهه‌ڤی په‌رله‌مانی ببیت.
ل گۆری لژنه‌یا چاڤدێرییا به‌رنامێ حكومه‌تێ، ووزه‌یا كاره‌بێ یه‌ك ژ كێشه‌یێن سه‌ره‌كی نه كو سه‌رۆكێ وه‌زیران ژبه‌ر وێ دێ هێت گازیكرن، هه‌ر چه‌نده به‌رهه‌م زێده‌بوویه، لێ به‌لاڤكرنا وێ كێشه‌یێن مه‌زن تێدا هه‌نه.
