تەرمێ قوربانییەکێ دی یێ خابیری ھات دیتن

تەرمێ قوربانییەکێ دی یێ خابیری ئەڤرۆ د ئاڤێ دا ھات دیتن، ئەوێ کو دوھی دگەل چار ئەندامێن دی یێن مالباتا خوە د خابیری دا خەندقین.
ئەڤرۆ تیمێن نقوماڤان شییان ب ھاریکارییا خەلکێ دەڤەرێ تەرمێ ئالان حەسەن عەبدولقادر ژ ئاڤا خابیری دەربێخن، ئەوێ کو دوھی دگەل دەیک و باب خشکەک و برایەکێ خوە ل گۆندێ مێسکێ یێ سەر ب ناوچەدارییا باتیفا ڤە د رووبارێ خابیری دا خەندقین.
نھا ب تەنێ تەرمێ زەلامێ وێ مالباتێ مایە د ئاڤێ دا و لێگەریان بەردەوامە.
دوھی پێنج کەس ژ ئێک مالبات ل گۆندێ مێسکێ یێ سەر ب ناوچەدارییا باتیفا ڤە د رووبارێ خابیری دا خەندقیبوون، تەرمێ سێ کەسان ھاتبوون دیتن، دو ژ وان ژی د بەرزە بوون.