نووچه
جڤاتا وه‌زیرێن هه‌رێمێ ئه‌ڤرۆ دێ كۆمبوونا خاترخواستنێ كه‌ت
بریاره ئه‌ڤرۆ جڤاتا وه‌زیرێن هه‌رێما كوردستانێ كۆمبوونا خاترخواستنێ بكه‌ت و سه‌رۆك نێچیرڤان بارزانى ژى، گۆتاره‌كێ ل دۆر سالێن حكومڕانیا خوه پێشكێش بكه‌ت.
ژێده‌ره‌كى ژ حكومه‌تا هه‌رێما كوردستانێ بۆ وار راگه‌هاند؛ ئه‌ڤرۆ ئێڤارى دێ جڤاتا وه‌زیرێن هه‌رێما كوردستانێ دوماهى كۆمبوونا خوه یا خاترخواستنێ كه‌ت و هه‌موو وه‌زیرێن گۆڕان و ئێكگرتوو و كۆمه‌لێ ژى یێن خوه ژ حكومه‌تێ ڤه‌كێشاین، بۆ روونشتنێ هاتینه داخوازكرن.
وى ژێده‌رى دا زانین ژى: كۆمبوون دێ ب سه‌رپه‌رشتییا سه‌رۆك نێچیرڤان بارزانى و پشكدارییا قوباد تاله‌بانى بیت و چاڤه‌رێیه نێچیرڤان بارزانى گۆتاره‌كێ ل دۆر سالێن حكومڕانیا خوه پێشكێش بكه‌ت.
