نووچه
سه‌رۆك نێچیرڤان ب فه‌رمى ژ ئالیێ ماكرۆنى ڤه هاتییه داخوازكرن
بریاره سوبه سه‌رۆكێ هه‌رێما كوردستانێ ب سه‌ره‌دانه‌كا فه‌رمى بگه‌هیته پاریس و ل كۆچكا ئیلیزێ ل گه‌ل سه‌رۆكێ فره‌نسا كۆم ببیت.
نڤێسینگه‌ها راگه‌هاندنێ یا سه‌رۆكاتییا هه‌رێمێ به‌لاڤ كر، سوبه رۆژا چارشه‌مبێ، سه‌رۆك نێچیرڤان بارزانى دێ ل سه‌ر داخوازا سه‌رۆك ماكرۆنى، گه‌هیته پاریس و ل كۆچكا ئیلیزێ ژ ئالیێ سه‌رۆكێ فره‌نسا ڤه هێت پێشوازیكرن.
چاڤه‌رێیه هه‌ردو سه‌رۆك، په‌یوه‌ندیێن هه‌ولێر و به‌غدا و پێشخستنا په‌یوه‌ندیێن فره‌نسا و هه‌رێما كوردستانێ گۆتوبێژ بكه‌ن.
فره‌نسا هه‌ڤپه‌یمانا نێزیك یا هه‌رێما كوردستانی یه و د گه‌رما شه‌ڕێ دژى داعشێ دا، سه‌رۆكێ به‌رێ فرانسوا ئۆلاندى چه‌ندین جاران سه‌ره‌دانا هه‌رێما كوردستانێ كرییه، چاڤه‌رێیه ل دوماهییا ئه‌ڤساله ژى، سه‌رۆك ئیمانوێل ماكرۆن، سه‌ره‌دانا هه‌رێما كوردستانێ بكه‌ت.
