پارتى و ئێكه‌تى ناڤێ پارێزگارێ داهاتى یێ كه‌ركووكێ راگه‌هاندنێ
محه‌مه‌دسدیق
ئه‌ڤرو پارتى دیموكراتى كوردستان و ئێكه‌تیا نیشتیمانیا كوردستانێ ئه‌ندازیار (ته‌ییب جه‌بار) بو پوستێ پارێزگارێ كه‌ركووكێ ده‌ستنیشانكرن، دپرێسكونفرانسه‌كێ هه‌ڤبه‌ش دا پشتى دوماهى هاتنا كومبوونا دناڤبه‌را پارتى و ئێكه‌تیێ دا، قادر حه‌مه‌جان ئه‌ندامێ مه‌كته‌با سیاسیا ئێكه‌تیێ و مه‌حموود محه‌مه‌د په‌یڤدارێ پارتى ئه‌ڤ یه‌ك راگه‌هاندن، ل ده‌ستپێكێ ژى ئه‌وى به‌رپرسێ ئێكه‌تیێ داخوازا پشته‌ڤانیكرنێ ل كابینه‌یا نه‌هێ یا حكومه‌تا هه‌رێما كوردستانێ كر و راگه‌هاند، خه‌لكێ كوردستانێ چاڤه‌رێى هندێ یه كو ب ئێك رێزى ئه‌م ئاوره‌كێ لێ بده‌ین، هیڤیدارم پێكڤه ئێنگاڤێن جددى باڤێژن، هه‌ر وه‌سا ژلایێ خوه ژى ڤه مه‌حموود محه‌مه‌د دیاركر، ئه‌ڤ كابینه‌یه ب سه‌ركه‌فتى هاته پێكئینان و هیڤى خواست ئه‌و باوه‌ریا خه‌لكێ ب وان دایى د جهێ وێ باوه‌ریێ دا بن، ده‌رباره‌یى پارێزگارێ كه‌ركووكێ و رێككه‌فتنا خوه ژى په‌یڤدارێ پارتى گوت، پرسا كه‌ركووكێ ره‌وشه‌كا نه‌ئاسایى هه‌بوو و ئه‌م هه‌ردوولا د وێ باوه‌رێ دا بوون كو گورانكارى د ده‌ستهه‌لات و دانانا پارێزگارى دا بهێنه كرن، و لیژنه‌یا ئاساییكرنا ره‌وشێ گه‌هشتینه ئه‌نجامه‌كێ باش، هه‌روه‌سا دیاركرن كومه‌كا سیڤیێن كه‌سێن تێكوشه‌ر ل به‌ر ده‌ستێ وان هه‌بوو كو خزمه‌تا كه‌ركووكێ بكه‌ن، پشتى دیراسه‌تكرنا وێ گه‌هشتینه وێ باوه‌ریێ پیڤه‌ر بو دانانا پارێزگارى بهێنه دانان ژبه‌ر هندێ لیستا برایه‌تى ل جڤاتا پارێزگه‌ها كه‌ركووكێ پێ باش بوون ئه‌ندازیار جه‌بار ئه‌مین وه‌كى پارێزگارێ داهاتى یێ كه‌ركووكێ رولێ خوه ببینت، دوپاتكرن ژى كو ئه‌و دگه‌ل به‌غدا و لایه‌نێن كه‌ركووكێ ژى دێ دانوستاندنێ ل سه‌ر ڤێ چه‌ندێ كه‌ن
