نووچه
فه‌وزی حه‌ریری بوو سه‌رۆكێ دیوانا سه‌رۆكاتییا هه‌رێمێ
سه‌رۆكێ هه‌رێما كوردستانێ فه‌رمانا فه‌وزی حه‌ریری بۆ پۆستێ سه‌رۆكێ دیوانا سه‌رۆكاتییا هه‌رێمێ ده‌ركر.
ب فه‌رمانا نێچیرڤان بارزانی سه‌رۆكێ هه‌رێما كوردستانێ، فه‌وزی حه‌ریری ئه‌ڤرۆ و وه‌ك سه‌رۆكێ دیوانا سه‌رۆكاتییا هه‌رێمێ ده‌ستبكاربوو و پشكداری كۆمبوونا جڤاتا وه‌زیران كر.
سه‌رۆكێ دیوانا سه‌رۆكاتییا هه‌رێمێ ب پله‌یا وه‌زیر دهێت هه‌ژمارتن و پشكداری ته‌ڤ كۆمبوونێن جڤاتا وه‌زیران دبیت.
فه‌وزی حه‌ریری كورێ سه‌ركرده‌یێ كۆچكری یێ پارتی فره‌نسۆ حه‌ریری یه، پشتی شه‌رێ ئازادییا ئیراقێ چه‌ندین پۆستێن بلند د حكومه‌تا فیدرال وه‌رگرتینه، ژ وان وه‌زیرێ پشه‌سازیێ.
د خولا به‌رێ یا سه‌رۆكاتییا هه‌رێما كوردستانێ دا، د. فوئاد حسێن سه‌رۆكێ دیوانا سه‌رۆكاتیێ بوو.
