شاندا هه‌رێمێ دێ ل گه‌ل هه‌رسێ سه‌رۆكاتییێن ئیراقێ كۆم بیت
شانده‌كا بلند یا حكومه‌تا هه‌رێما كوردستانێ ب سه‌رۆكاتییا مه‌سروور بارزانى گه‌هشته به‌غدا و دێ ل گه‌ل هه‌رسێ سه‌رۆكاتییێن ئیراقێ كۆم ببیت.
ل گۆره‌ى زانیارییێن وار، شاندا حكومه‌تێ ژ جێگرێ سه‌رۆكوه‌زیران و وه‌زیرێن دارایی، ناڤخۆ، پێشمه‌رگه، داد، هه‌روه‌ها سه‌رۆكێن دیوانا سه‌رۆكاتییا هه‌رێمێ و دیوانا جڤاتا وه‌زیران پێكهاتییه و سعه‌ت 11 و 30 خوله‌كى سپێدێ گه‌هشته فرۆكه‌خانه‌یا به‌غدا.
په‌یامنێرێ وار ل به‌غدا راگه‌هاند؛ ئێكه‌م كۆمبوونا شاندا حكومه‌تا هه‌رێمێ ل گه‌ل سه‌رۆك كۆمارێ ئیراقێ یه، پاشان دێ ل گه‌ل سه‌رۆكوه‌زیر و سه‌رۆكێ په‌رله‌مانێ ئیراقێ ژى كۆمبیت و كێشه‌یێن هه‌ولێر و به‌غدایێ گۆتوبێژ كه‌ت.
د كۆمبوونا دوهی یا جڤاتا وه‌زیران دا بریارا سه‌ره‌دانا به‌غدایێ هاتبوو دان، ئه‌ڤه ژى وه‌كه نیشاندانا نیازپاكیێ بۆ چاره‌كرنا هه‌موو كێشه‌یێن هه‌لاویستى.
عادل عه‌بدولمه‌هدی سه‌رۆكوه‌زیرێ ئیراقێ، دوهى په‌یوه‌ندى ب مه‌سروور بارزانى كربوو و داخواز كربوو هه‌ردو حكومه‌تێن هه‌ولێر و به‌غدایێ هه‌رزوو كێشه‌یێن د ناڤبه‌را خوه‌دا چاره‌بكه‌ن و بگه‌هنه‌رێككه‌فتنێ.
