رێڤه‌به‌رێ دانه‌ غاز: شادین كاری دگه‌ل حكومه‌تا هه‌رێمێ دكه‌ین

كۆمپانییا دانه‌ غاز رادگه‌هینیت وان 80  ملیۆن دۆلار خه‌رجیێن كارێن خوه‌ د نیڤا ئێكێ یا ئه‌ڤساله‌ دا ژ حكومه‌تا هه‌رێما كوردستانێ وه‌رگرتینه‌.
كۆمپانییا دانه‌ غاز یا ئیماراتی، ئه‌ڤرۆ د به‌یانه‌كێ دا دیاركر، د نیڤا ئێكێ یا ئه‌ڤساله‌ دا، حكومه‌تا هه‌رێمێ 80 ملیۆن دۆلار وه‌ك قستێن وان ئه‌داكرینه‌، ب وێ چه‌ندێ ژی كۆمپانیێ 74% یا قستێن خوه‌ وه‌رگرتینه‌.
هه‌روه‌ها دا زانین، ئه‌و قه‌بارێ پاره‌ی ب همبه‌ر كرن دگه‌ل نیڤا دویێ یا سالا بۆری زێده‌بوویه‌، كو ل نیڤا ئێكێ یا سالا 2018ێ، وان 46 ملیۆن دۆلار ژ هه‌رێمێ وه‌رگرتبوون.
د وێ ده‌ربارێ دا، پاتریك ئالمان رێڤه‌به‌رێ جێبه‌جێكار یێ كۆمپانییا بیر پترۆلیۆم دیاركر، ئه‌و شادن كو كاری دگه‌ل حكومه‌تا هه‌رێما كوردستانێ دكه‌ن.
گۆت ژی: ئه‌و ل وێ باوه‌رێ نه‌، كه‌رتێ په‌ترۆلی یێ هه‌رێمێ دێ پێشكه‌ڤیت و داهاتییێ وێ كه‌ڤیته‌ د ئاڤاكرنا ژێرخانه‌یا هه‌رێمێ دا.
كۆمپانییا دانه‌ غاز ب رێیا كۆمپانییا بیرل پترۆلیۆم كو خودانا 35% یا پشكێن وێ یه‌، وه‌به‌رهێنانێ ل هه‌رێما كوردستانێ دكه‌ت.