دادگه‌ها فیدرال: بریار ل سه‌ر به‌رده‌وامیدان ب مادده‌یا 140ـێ هاته دان
محه‌مه‌دسدیق
دادگه‌ها فیدرالا عیراقێ د كومبوونه‌كا تایبه‌ت دا بریارا به‌رده‌وامى و درێژه‌پێدانێ ب مادده‌یێ سه‌د و چلێ كر یێ كو تایبه‌ت ب ده‌ڤه‌رێن كوردستانى یێن ده‌رڤه‌یى ئیداره‌یا هه‌رێما كوردستانێ، په‌یڤدارێ دادگه‌ها فیدرالا عیراقێ گوت، دادگه‌هێ دوپاتى كرییه دڤێت كار بو جێبه‌جێكرنا ماددێ سه‌د و چلێ یێ ده‌ستوورى بهێته كرن و پێدڤییه خالێن وى مادده‌یى بهێنه جێبه‌جێ كرن، ماددا سه‌د و چل ئێكه ژ گرنگترین ماددێن ده‌ستوورى یێن عیراقێ كو پشتى سالا دووهه‌زار و پێنجێ و پشتى په‌سه‌ندكرنا ده‌ستوورێ نوى یێ عیراقێ هاتییه و تایبه‌ته ب ده‌ڤه‌رێن كوردستانى یێن ده‌رڤه‌یى ئیداره‌یا هه‌رێمێ، كو پێدڤییه د پروسه‌یه‌كا سیاسى، مێژوویى و درێكا سه‌رژمێرى و راپرسى و هه‌لبژارتناندا چاره‌نڤیسێ وان ده‌ڤه‌ران بهێته ئێكلایى كرن، هه‌روه‌سا ئه‌و ده‌ڤه‌رێن ده‌ڤه‌ریى ئیداره‌یا هه‌رێما كوردستانێ پتریا وان كوردن و پشتى رویدانێن شازده‌یى ئوكتوبه‌را سالا دووهه‌زار و هه‌ڤدێ جاره‌كا دى كه‌فتییه دبن كونترولا هێزێن عیراقى دا
