سه‌رۆك نێچیرڤان بارزانى و شانده‌كا نه‌ته‌وه‌یێن ئێكگرتى كۆم بوون

سه‌رۆكێ هه‌رێما كوردستانێ ل گه‌ل شانده‌كا نه‌ته‌وه‌یێن ئێكگرتى كۆم بوو و راگه‌هاند؛ نابیت سه‌رژمێرییا گشتى ل ئیراقێ بهێت سیاسى كرن و پێدڤییه‌ ل سه‌ر بنه‌مایێ ده‌ستوورى بیت.
نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ ل هه‌ولێرێ پێشوازى ل شانده‌كا نه‌ته‌وه‌یێن ئێكگرتى ب سه‌رۆكاتییا لوئه‌ى شه‌بانه‌، رێڤه‌به‌رێ هه‌رێمى یێ سندۆقا كاروبارێن ئاكنجییان یا یۆئێنێ كر و باس ل سه‌رژمێرییا گشتى ل ئیراقێ و هه‌رێما كوردستانێ هات كرن.
سه‌رۆك نیچیرڤان بارزانى، كورتیه‌ك ل دۆر ره‌وشا نها یا هه‌رێمێ و كارێن یۆئێنێ ل كوردستانێ پێشكێش كر و لدۆر سه‌رژمێرییا گشتى گۆت: نابیت سه‌رژمێری بهێت سیاسى كرن و پێدڤییه ‌ل سه‌ر بنه‌مایێ ده‌ستوورى بیت.