سه‌رۆكێ هه‌رێما كوردستانێ پێشوازى ل جێگرێ وه‌زیرێ ده‌رڤه‌ یێ پوله‌ندا ل هه‌ولێرێ كر

محه‌مه‌د سه‌دیق

نێچیرڤان بارزانى، سه‌رۆكێ هه‌رێما كوردستانێ پێشوازى ل ماسینگ لانگ، جێگرێ وه‌زیرێ ده‌رڤه‌ یێ پوله‌ندا ل هه‌ولێرێ كر و هه‌ردوو ئالییان به‌حسێ په‌یوه‌ندى و دانوستاندنێن د ناڤبه‌را هه‌ولێرێ و به‌غدا كرن، نێچیرڤان بارزانى سوپاسییا سه‌ره‌دانا جێگرێ وه‌زیرێ ده‌رڤه‌یێ پوله‌ندا كر و ئاشكه‌را كر، ده‌لیڤه‌یه‌كا باش هه‌یه‌ په‌یوه‌ندیێن هه‌رێما كوردستانێ و پوله‌ندا د هه‌مى واراندا پێشڤه‌ بچن، نێچیرڤان بارزانى و ماسینگ لانگ پێشڤه‌چوونا په‌یوه‌ندیێن هه‌ولێر و به‌غدا و پرسێن ده‌ڤه‌رێ و قوناغێن شه‌رێ دژى داعشێ و سه‌ره‌ده‌رى دگه‌ل قوناغا نوى گوتوبێژ كرن، ژ ئالیێ خوه‌ڤه‌ ماسینگ لانگ خوه‌شحالییا خوه‌ ب سه‌ره‌دانا خوه‌ یا ئێكێ بۆ هه‌رێما كوردستانێ دیاركر و رولێ هه‌رێمێ د حه‌واندنا ئاواره‌ و په‌نابه‌ران دا بلند نرخاند