شانده‌كێ لقێ8 دگه‌ل مه‌كته‌با سیاسیا پارتى كومبوون
محه‌مه‌دسدیق
ئه‌ڤرو شانده‌كێ لقێ ب سه‌رپه‌رشتیا دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یێ پارتى دیموكراتى كوردستان ل پیرمام سه‌ره‌دانا مه‌كته‌با سیاسیا پارتى كرن، د دیداره‌كێ دا دگه‌ل سكرتێرێ مه‌كته‌با سیاسى فازل میرانى و ژماره‌كا ئه‌ندامێن وێ، به‌حسێ ره‌وشا رێكخستنا پارتى و ئاریشه و ئاسته‌نگێن د كه‌ڤنه د رێیا رێكخستنێ دا، و دیتنا رێگه‌چاره‌یێن گونجایى بۆ وان بابه‌تێن به‌حس ژێ هاتینه كرن گوتوبێژ كرن، هه‌روه‌سا شاندێ لقێ هه‌شت دگه‌ل مه‌كته‌با سیاسى یا پارتى ره‌وشا ده‌ڤه‌را زاخۆ ب شێوه‌یه‌كێ گشتى به‌حسكرن و هه‌روه‌سا چاوانیا باشتركرنا ره‌وشا ژیانا كادران دانوستاندكرن، مه‌كته‌با سیاسیا پارتى پشته‌ڤانیا خوه دیار كر بۆ هه‌ر پێدڤیه‌كێ بمه‌ره‌ما پیشڤه‌چوونا ره‌وشا كادرێن پارتى و كارێ رێكخستنا وێ، هه‌روه‌سا ئاماژه ب جهێ تایبه‌ت یێ خه‌لكێ زاخو هاته دان د شوره‌شێن ئیلولا مه‌زن و گولانا پێشكه‌فتن خواز دا، دیسان به‌حسێ گرنگییا زاخو هاته‌كرن ل ده‌ف سه‌روكێ هه‌رێمێ كو ئه‌نه‌رژییا كوردایه‌تى و به‌رخوه‌دانێ ل قه‌له‌مدان
