ل چه‌ند رۆژێن داهاتى شانده‌كێ هه‌رێما كوردستانێ دێ چیته‌ به‌غدا

محه‌مه‌دسدیق

فارس عیسا نوێنه‌رێ حكومه‌تا هه‌رێما كوردستانێ ل به‌غدا ئاماژه‌ ب وێ یه‌كێ دكه‌ت، ب مه‌ره‌ما چاره‌سه‌ركرنا گرفتێن د ناڤبه‌را هه‌ولێر و به‌غدا، شانده‌كێ هه‌رێما كوردستانێ دێ سه‌ره‌دانا عیراقێ كه‌ت، فارس عیسا راگه‌هاند ژى، سیاسه‌تا مه‌سروور بارزانى سه‌رۆكێ حكومه‌تا هه‌رێمێ ئه‌وه‌ كو كێشه‌یێن تایبه‌ت ب مادده‌یێ سه‌د و چلێ و گرفتێن پشتى شازده‌یى ئوكتوبه‌رێ و بابه‌تێ نه‌فتێ و گازێ چاره‌سه‌ر بكه‌ن و گوت ژى، پاشكه‌فتنا گرفتان نه‌ د به‌رژه‌وه‌ندییا هه‌ولێر و به‌غدایێ دایه‌، نها ژى ره‌وش هاتییه‌ گوهورین و په‌یوه‌ندى به‌رده‌وامن د ناڤبه‌را هه‌ولێر و به‌غدایێ دا، نوینه‌رێ حكومه‌تا هه‌رێمێ دا زانین، لژنه‌یه‌ك هونه‌رى هاتیه‌ دروست كرن ب مه‌ره‌ما چاره‌سه‌ركرنا گرفتان داكو ب ته‌مامى ئه‌و كێشه‌ دگه‌ل به‌غدا بێنه‌ چاره‌سه‌ر كرن، نوێنه‌رێ حكومه‌تا هه‌ریمێ ل به‌غدا ته‌كه‌ز ژى كر، د ڤان دوو رۆژان دا دێ شاندێ هه‌رێما كوردستانێ ب مه‌ره‌ما ڤان پرسێن گرنگ سه‌ره‌دانا به‌غدا كه‌ن