پەکەکە: تورکیا خوە ڤەبکێشیت، ئێک گولە ژی ل هەرێمێ ناهاڤێژین
پەکەکێ هەڤهەلوەستییا خوە ل گەل سەرۆک بارزانی دەربارەی براکوژییێ دیار کر و راگەهاند: گەر تورکیا خوە ڤەبکێشیت، گەریلا ئێک گولە ژی ل هەرێمێ ناهاڤێژن.
مورات قەرەیلان، فەرماندارێ هێزێن پاراستنا گەل، هەپەگێ، بالێ سەربازی یێ پەکەکێ بۆ مەدیایێن نێزیک پارتییا خوە راگەهاند: پەکەکە دخوازیت رەخنە ل شاشییێن وێ بهێنە گرتن، لێ بلا راستی نەهێتە ڤەشارتن، ئەو ژی کو نە پەکەکێ، لێ تورکیا شەر ڤەگوهاستییە هەرێما کوردستانێ و چ دەما ئەنقەرەیێ هێزێن خوە ڤەکێشان، گەریلا ژی شەری ل ناڤ ئاخا هەرێمێ ناکەن.
قەرەیلانی دوپات ژی کر: هەر وەکو سەرۆک مەسعوود بارزانی شەرێ براکوژیییێ ب حەرام ناڤکری، پەکەکە ژی تا نها خوەدان هەمان هەلوەستە، لێ پێدڤی یە پەیوەندییێن پارتییێن سیاسی یێن کوردستانێ ڤەنەقتن، دا کو شاشتێگەهشتن چينەبیت و دەستێن دەرەکی وان ل هەڤدو ب گومان نەئێخن.
فەرماندارێ هەپەگێ هەروەسا دیار کر: پەکەکێ چ جاران پارتی و ئێکەتی ب هەڤکارییا ل گەل حکومەتا تورکیا سووچبار نەکرییە، لێ گرنگە هەموو ئالی هایداری خەونا تورکیا یا بەرفرەهکرنا سنۆرێن خوە ببن.
