نووچه
ده‌ڤه‌ردارێ شنگالێ داخوازا چێكرنا ده‌ڤه‌ره‌كا ئارام بۆ ئێزدییان دكه‌ت
ده‌ڤه‌ردارێ شنگالێ په‌كه‌كه ب ئه‌گه‌را ڤه‌نه‌گه‌ریانا ئێزدییان سووچبار كر و داخوازا چێكرنا ده‌ڤه‌ره‌كا ئارام بۆ ئێزدییان كر.
مه‌حما خه‌لیل، ده‌ڤه‌ردارێ شنگالێ راگه‌هاندنه‌ك ل دۆر ره‌وشا شنگالێ و ڤه‌نه‌گه‌ریانا كوردێن ئێزدى بۆ سه‌ر مالێن خوه به‌لاڤ كر و دا زانین، هه‌بوونا گرۆپێن سه‌ر ب په‌كه‌كێ ڤه ل شنگالێ، ئه‌گه‌رێ سه‌ره‌كى یێ ڤه‌نه‌گه‌ریانا ئێزدیانه، ژبه‌ركو په‌كه‌كه رێزێ ل قانوونێن ئیراقێ ناگریت و ده‌ڤه‌ر بۆ خوه كرییه مه‌یدانا بازرگانى و چه‌كداركرنا زارۆیان.
ده‌ڤه‌ردارێ شنگالێ، داخواز ژ جڤاكا نێڤده‌وله‌تى و حكومه‌تێن هه‌ولێر و به‌غدایێ كر، ده‌ڤه‌ره‌كا ئارام بۆ ڤه‌گه‌ریانا ئێزدییان چێكه‌ت، ب ره‌نگه‌كى ئه‌مریكا و حكومه‌تێن هه‌رێم و به‌غدا سه‌رپه‌رشتییا وێ بكه‌ن.
