زاخو.. ته‌خ وچینێن ده‌ڤه‌رێ بو گه‌هاندنا پیروزباهیان لقێ8 بسه‌ركرن

محه‌مه‌دسدیق

بهه‌لكه‌فتا بورینا حه‌فتێ و سێیه‌مین سالروژا دامه‌زراندنا پارتى دیموكراتى كوردستان و ژدایكبوونا سه‌روك مه‌سعوود بارزانى، بمه‌ره‌ما پیروزكرنا ڤێ روژێ هه‌ژماره‌كا شاندێن حزبى و حكومى و پێشمه‌رگێن دێرین و هه‌لگرین میدالیا بارزانیێ نه‌مر و ئه‌ندامێن په‌رله‌مانێ عیراقێ و كوردستانێ و رهسپى و ماقیل و ته‌خ و چینێن جودا یێن ده‌ڤه‌را زاخو، سه‌ره‌دانا باره‌گایێ لقێ هه‌شت یا پارتى كرن، هاتنه‌ پێشوازى كرن ژ ئالیێ دكتور عه‌لى ته‌ته‌ر به‌رپرسێ لقێ هه‌شت و كارگێرێن وێ ڤه‌، شاندێن ناڤبرى پیروزباهیێن خوه‌ ل سه‌ر بوورینا حه‌فتى و سێ سالیا وان ئاراسته‌كرن و ئاماژه‌دان ب ده‌ستكه‌فتێن پارتى دیموكراتى كوردستان د دامه‌زراندنا كیانێ ده‌ستوورى و به‌ره‌ڤانیكرنا سنوورێن هه‌رێمێ و كه‌رامه‌تا ملله‌تێ مه‌ دا، هه‌روه‌سا رولێ پارتى د ئاڤاكرن و به‌رقه‌راربوونا هه‌رێما كوردستانێ دا بلند نرخاندن