2 شاندێن هه‌رێما كوردستانێ دێ سه‌را به‌غدایێ ده‌ن
چاڤه‌رێ دهێت كرن ل رۆژێن بهێن 2 شاندێن هه‌رێما كوردستانێ سه‌ره‌دانا به‌غدایێ بكه‌ن، دۆسیێن بودجه و مووچه‌یێ فه‌رمانبه‌ران، هه‌روه‌ها مادده‌یا 140 و ده‌ڤه‌رێن كوردستانێ ئه‌جێندایێن گۆتوبێژانه.
به‌شدار حسێن په‌یامنێرێ وار ل هه‌ولێرێ دیاركر، چاڤه‌رێ دهێت كرن ل رۆژێن بهێن شانده‌كا ئاست بلند یا حكومه‌تا هه‌رێما كوردستانێ سه‌ره‌دانا به‌غدایێ بكه‌ت، ژبۆ ده‌ستپێكرنا گۆتوبێژێن كێشه‌یێن هه‌لاویستی.
دازانین ژی، هه‌ر یه‌ك ژ دۆسیێن بودجه و مووچه‌یێ فه‌رمانبه‌ران، هه‌روه‌ها مادده‌یا 140 و ده‌ڤه‌رێن كوردستانی یێن ده‌رڤه‌ی ئیداره‌یا هه‌رێمێ كو نها حكومه‌تا فیدرال تاكئالییانه برێڤه دبه‌ت، دێ دگه‌ل به‌رپرسێن به‌غدایێ هێن گۆتوبێژ كرن.
په‌یامنێرێ وار ئه‌و ژی دیاركر، هه‌ر ل رۆێن بهێن، شانده‌كا وه‌زاره‌تا پێشمه‌رگه‌ی ژی دێ سه‌ره‌دانا به‌غدا كه‌ت و گۆتوبێژا ماف و ئێمتیازاتێن پێشمه‌رگه‌ی دگه‌ل وه‌زاره‌تا به‌رگرییا ئیراقێ كه‌ت.
ل گۆری زانیاریێن وار، د. جۆتیار عادل، په‌یڤدارێ حكومه‌تا هه‌رێما كوردستانێ ئه‌ڤرۆ دێ وورده‌كاریێن چوونا شاندێن هه‌رێما كوردستانێ بۆ به‌غدایێ د پرێسكۆنفرانسه‌كی دا راگه‌هینیت.
