رۆژئاڤایێ کوردستانێ.. ئەمریکا و تورکیا گه‌رێن هه‌ڤپشک ده‌ست پێ کرن
سەرکرداتییا هێزێن ئەمریکی و سوپایێ تورکیا ل روهایێ کۆمبوون و گه‌رێن سه‌ربازی یێن هەڤپشک ل ده‌ڤه‌رێن سنۆری یێن رۆژئاڤایێ کوردستانێ دەست پێ کرن.
نایل کادرهان، هنارتییێ وار ل روهایێ راگەهاند؛ هه‌ژماره‌کا سەرکردەیێن سەربازی یێن ئەمریکی ژ رۆژئاڤایێ کوردستانێ هاتینە دەڤەرێن سەر سنۆرێ تورکیا و ل باژارێ کانیا خەزالان یێ سنۆری، کۆ بنگەهەکێ ئەمریکی تورکی یێ هەڤپشک لێ هەیە، د گەل ژمارەکا سەرکردەیێن سەربازی یێن تورکیا دا کۆم بوون.
پشتی کۆمبوونێ، هێزێن ئەمریکی و تورکی ل ده‌ڤه‌رێن سنۆری یێن رۆژئاڤایێ کوردستانێ پشکداری ئۆپەراسیۆنێن چاڤدێرییێ یێن هەڤپشك بوو کۆ د چارچووڤەیا رێککەفتنا دەڤەرا ئارام دا، رێککەفتن ل سەر هاتییە کرن.
ئەمریکا و تورکیا د ناڤبەرا پێنج تا حەفتی مەها تەباخا ئەڤ سالە دا دەربارەی دەڤەرا ئارام ل باکۆرێ سووریێ رێککەفتبوون و گه‌رێن هەڤپشک ل باکۆرێ سووریێ، د چارچووڤەیا رێککەفتنێ دایە.
