نێچیرڤان بارزانی: پێدڤییە پرسا کوردی ل تورکیا ب ئاشتیانە بھێت چارەکرن

سەرۆکێ ھەرێما کوردستانێ راگەھاند: نھا دەمێ ئاشتییێ یە ل تورکیا و پێدڤییە پرسا کوردی ب رێیێن ئاشتیانە بھێتە چارەکرن.
نێچیرڤان بارزانی، سەرۆکێ ھەرێما کوردستانێ ئەڤرۆ ل ھەولێرێ پێشوازی ل شاندا بلند یا ھەدەپێ ب سەرۆکاتییا سەزای تەمەلی کر و گۆتوبێژا رەوشا سیاسی یا دەڤەرێ و کێشەیا کوردی ل تورکیا کر و سەرۆک نێچیرڤان بارزانی راگەھاند: نھا دەمێ ئاشتییێ یە ل تورکیا و پێدڤییە پرسا کوردی ب رێیێن ئاشتیانە بھێتە چارەکرن، ژبەرکو شەڕ چ کێشەیان چارەناکەت و نابیت چ دەلیڤەیێن ئاشتیێ ل تورکیا بھێن ژ دەست دان.
سەرۆک نێچیرڤان بارزانی دوپاتی ل بزاڤێن خوە یێن دەستپێکرن و سەرخستنا پرۆسەیا ئاشتییێ ل تورکیا کر و راگەھاند: ھەر چ یا پێدڤی بۆ دەستپێکرنا پێڤاژۆیا ئاشتییێ ئەو یێ بەرھەڤە.
ھەڤدەم شاندا ھەدەپێ، پیرۆزباھییا دەستبکاربوونێ ل سەرۆک نێچیرڤان بارزانی کر و ھیڤیا سەرکەفتنێ بۆ خواست و سوپاسییا بزاڤێن وی یێن بەردەوام یێن نھا و بەرییا نھا بۆ سەرخستنا ئاشتییێ کر و راگەھاند: گەلێ کورد خوازیارێ چارەسەرییا ئاشتیانەیە ل تورکیا.