نووچه
توركیا كوشتنا 2 سه‌ركرده‌یێن بلند یێن په‌كه‌كێ راگه‌هاند
سوپایێ توركیا كوشتنا 2 سه‌ركرده‌یێن بلند یێن پارتییا كاركه‌رێن كوردستانێ، كو ئه‌ندامێن كۆنسه‌یا رێڤه‌به‌ر یا كه‌جه‌كێ نه ل چیایێ قه‌ندیلى یێ هه‌رێما كوردستانێ راگه‌هاند.
د به‌یانه‌كێ دا سوپایێ توركیا راگه‌هاند: د ئۆپه‌راسیۆنه‌كا هه‌ڤپشك یا ده‌زگه‌هێ هه‌والگێری میتێ و سوپایێ توركیا دا، كو ل 19ى مه‌ها بوورى ل باره‌گه‌هه‌كێ سه‌ره‌كى یێ په‌كه‌كێ ل قه‌ندیلى هاتبوو كرن، هه‌ردو سه‌ركرده‌یێن په‌كه‌كێ گولوزار تۆرال، یا به‌رنیاس ب په‌لشین تۆلهلدان، ل گه‌ل سالیحه قه‌یته‌ر یا به‌رنیاس ب ژیان كارزان، كو هه‌ردو ئه‌ندامێن كۆنسه‌یا رێڤه‌به‌ر یا كه‌جه‌كێ نه، هاتنه كوشتن.
دا یه زانین ژى: هه‌ردو به‌رپرسێن په‌كه‌كێ پێشتر ل رۆسیا فیدرال و دێرسما باكۆرێ كوردستانێ به‌رپرسیارییا په‌كه‌كێ كرییه و هه‌ردو ژى د لیستا سوور یا داخوازكرییێن حكومه‌تا توركیا دا بوون.
