نێچیرڤان بارزانى: كوردستان پێدڤى ب وه‌به‌رهێنانا بیانى یه‌

سه‌رۆكێ هه‌رێما كوردستانێ راگه‌هاند: هه‌رێم پێدڤى ب وه‌به‌رهێنانا بیانى یه ‌و هه‌ر هاریكارى و ئاسانكاریه‌ك ژى دێ بۆ وه‌به‌رهێنه‌ران هێته‌ كرن.
نێچیرڤانى بارزانى، سه‌رۆكێ هه‌رێما كوردستانێ ئه‌ڤرۆ ل هه‌ولێرێ ل گه‌ل دكتور نوورى سه‌باح دلێمى، وه‌زیرێ پلاندانانێ یێ حكومه‌تا ئیراقێ كۆم بوو و ئاماده‌كارییێن پرۆسه‌یا سه‌رژمێرییا گشتى و گرنگییا هاریكارى و هه‌ماهه‌نگییا حكومه‌تێن هه‌ولێر و به‌غدا و ئالییێن نێڤده‌وله‌تى گۆتوبێژ كرن.
سه‌رۆك نێچیرڤان بارزانى راگه‌هاند: ڤه‌ژاندن و پێشڤه‌چوونا ئابوورێ ئیراقێ و هه‌رێما كوردستانێ، پێدڤى ب سیاسه‌ته‌كا باش و رێكخستن و پلان و به‌رنامه‌یه‌كێ باشتر یێ كارگێرى و رێڤه‌برنێ هه‌یه‌.
هه‌ر د كۆمبوونێ دا، هه‌ردو ئالییان باسێ پرۆژه‌قانوونا بودجه‌یا سالا بهێت یا ئیراقێ و پرۆسا ئاڤاكرنا ده‌ڤه‌رێن رزگاركرى ژى كر.