زاخو..بیره‌وه‌ریا (50)ـیێ یا كاره‌ساتا “گوندێ صوریا” هاته ساخكرن
محه‌مه‌دسدیق
ل بن دروشمێ (كومكوژیا گوندێ صوریا تاوانه‌كه دژى پێكهاته پێكڤه ژیانا گه‌لێ كوردستانێ) ب ئاماده‌بونا عه‌بدوللا حاجى مه‌حموود وه‌زیرێ كاروبارێن شه‌هید و ئه‌نفالكریان و دكتور عه‌لى ته‌ته‌ر به‌رپرسێ لقێ هه‌شت یا پارتى و سه‌روكێ ده‌سته‌یا مافێ مروڤى ل هه‌رێما كوردستانێ و ژماره‌كا دى یا به‌رپرسێن حزبى و حكومى و زانایێن ئایینى، پێنجى (50)ـه‌مین سالڤه‌گه‌را كومكوژیا گوندێ صوریا هاته ساخكرن، د په‌یڤه‌كێ دا وه‌زیرێ كاروبارێن شه‌هیدان گوت، برا مه‌سیحى پێكهاته‌یه‌كا دێرینا كوردستانێ نه و د رێكا رزگاریخوازیا كوردستانى َدا قوربانى داینه و هه‌تا شه‌رێ دژى تیروریستێن داعشێ ژى مال و گوندێن وان هاتینه وێران كرن. ژلایه‌كێ دیڤه سه‌روكێ ده‌سته‌یا گشتى یا مافێ مروڤى ل كوردستانێ دیاركر، ئه‌ڤ كومكوژى یه پێشیلكرنا یاسایێن نێڤ ده‌وله‌تى بوون دژى موسلمان و مه‌سیحیان هاتیه ئه‌نجامدان و پێدڤى یه ببیته كه‌یسه‌كا نێڤده‌وله‌تى. ل رێكه‌ڤتى 16/9/1969 رژێما به‌عسا عیراقێ كوشتاره‌ك ب سه‌ر گوندێ صوریا دا ئینات و تێدا 39 كه‌س ژ زاروك و ئافره‌ت و زه‌لامان هاتنه شه‌هید كرن و زێده‌ترى 20 كه‌سان ژى هاتنه برینداركرن.
