بەغدا بریارا خەرجکرنا مووچەیێ فەرمانبەرێن ھەرێما کوردستانێ دا

وەزارەتا داراییا ئیراقێ فەرمانا خەرجکرنا مووچەیێ مەھا بۆری یێن فەرمانبەرێن ھەرێما کوردستانێ دەرخست، لێ ئەو چەندە مایە پارە بکەڤیتە سەر حسابا وەزارەتا داراییا ھەرێمێ.
لگۆرەی زانیاریێن وار، فەرمانا خەرجکرنا مووچەیێن فەرمانبەرێن ھەرێما کوردستانێ ژ وەزارەتا داراییا ئیراقێ گەھشتییە بانکا ناڤەندی لقا ھەولێرێ، لێ تا نھا پارە نەئێخستییە سەر حسابا وەزارەتا داراییا ھەرێمێ.
زانیاریێن وار ئاماژە ژی د دەن، کو دبیت سوبە رۆژا پێنجشەمبی یان ئێکشەمبیا بھێت، پارە بچیتە د حسابا وەزارەتا دارایی دا.
لگۆرەی یاسایا بودجەیا ئەڤسالە یا ئیراقێ، بەغدا مەھانە چارسەد و پێنجی و چار ملیار دیناران بۆ مووچەیێن ھەرێما کوردستانێ و شێست و ھەشت ملیار دیناران ژی بۆ پێشمەرگەی بھنێریت، لێ ژ دەستپێکا ئەڤسالە بەغدا ژبلی مووچەیێ فەرمانبەرێن ھەرێمێ چ پارە بۆ پێشمەرگەی نەھنارتییە.