مەسروور بارزانی و هاریکارێ وەزیرێ گەنجینەیا ئەمریکا کۆم بوون
سەرۆکێ حکوومەتا هەرێما کوردستانێ دگەل هاریکارێ وەزیرێ گەنجینەیا ئەمریکا کۆم بوو و مەسروور بارزانی دوپاتی ل بەردەوامییا دانوستاندنێن دگەل بەغدا کر.
مەسروور بارزانی ئەڤرۆ پێشوازی ل مارشال بیلینگسلی، هاریکارێ وەزیرێ گەنجینەیا ئەمریکا کر و د کۆمبوونەکێ دا کۆ ستیڤن ڤەیگن، کۆنسۆلێ گشتی یێ ئەمریکا ل هەولێرێ و شاندەکا ئەمریکی ژی پشکدار بوون، هاریکارێ وەزیرێ گەنجینەیا ئەمریکا ئامادەباشیا وەلاتێ خوە بۆ هاریکارییا هەرێما کوردستانێ د سیستەمێ بانکی دا دیار کر.
ژ ئالیێ خوەڤە، مەسروور بارزانی راگەهاند، کابینەیا نوو یا حکوومەتا هەرێما کوردستانێ، دخوازیت ژێدەرێن ئابۆری هەمەجۆر بن و پلان بۆ وێ یەکێ داڕێتینە و دەربارەی پەیوەندیێن دگەل بەغدا، مەسروور بارزانی دوپات کر، هەرێما کوردستانێ وەک هەرێمەکا فەرمی د چارچووڤەیێ ئیراقێ دا سەرەدەریێ دکەت و دانوستاندن دگەل بەغدا ل سەر چەندین ئاستان بەردەوامن.
