ھەفتییا بهێت بێھنڤەدانا جەژنا جەمایێ یە بۆ کوردێن ئێزدی

حكومه‌تا هه‌رێما كوردستانێ ب ھەلکەفتا جەژنا جەمایێ، ھەفتییەکا بێهنڤه‌دانێ بۆ فەرمانبەرێن کوردێن ئێزدی راگه‌هاند.
خەیری بۆزانی، رێڤەبەرێ گشتی یێ کاروبارێن ئێزدییان ل وەزارەتا ئەوقافێ راگەھاند؛ ب ھەلکەفتنا جەژنا جەمایا ئێزدییان، ھەفتییەک بۆ فەرمانبەرین ئێزدی ل دام و دەزگەھێن حکومی دێ بیتە بێھنڤەدان و دیار کر، بێھنڤەدان ژ رۆژا شەش تا سێزدەیێ ڤێ مەھێ یە.
کوردێن ئێزدی سالانە ھەشت جەژنان دکەن، رێ و رەسمێن سێ یان کو جەژنێن چلێ ھاڤین و چلێ زستانێ و جەژنا جەمایێ ل پەرستگەھا لالش دهێن گێران.
رێ و رەسمێن جەژنا جەمایێ بۆ ده‌مێ حەفت رۆژان ل پەرستگەھا لالشێ دھێن گێران و ب ھەزاران ئێزدی ژ وەلاتێن جیھانێ قەستا لالشێ دکەن.