بەغدا.. 5 کەس د خوەنیشاندانێن ئەڤرۆ دا بریندار بوون

خوەنیشاندانین نەرازیبوونێ ئەڤرۆ دوبارە ل بەغدا دژی حکومەتێ دەستپێکرن،پێنج خوەنیشاندەر بریندار بوون پشتی ھێزێن ئێمناھی بزاڤێن بەلاڤکرنا وان کرین.
ل گۆری مەدیا ئیراقی، ئەڤرۆ ل باشۆرێ بەغدایا پایتەخت ل دەڤەرا زەعفەرانییێ پشتی نڤێژا سپێدێ جارەکادی ب سەدان کەسان خوەنیشاندان دژی حکومەتێ کرن و رژیانە سەر جادەیا سەرەکییا وێ دەڤەرێ بۆ بەغدا.
ل گۆری ژێدەری، خوەنیشاندەران پشتی ئەو رێیە گرتی و درۆشم دژی حکومەتێ بلند کرین و داخوازا دەلیڤەیێن کاری و باشکرنا رەوشێ ب گشتی کری، ھێزێن ئێمناھی بزاڤێن بەلاڤکرنا وان کرن ب وێ ئەگەرێ و 5 خوەنیشاندار بریندار بوون.
دوھی ب سەدان وەلاتیێن ئیراقی ل بەغدا وچەندین باژارێن دی یێن ئیراقی رژیانە سەر جاددەیان خوەنیشاندان دژی حکومەتێ کرن، درۆشم بلندکرن داخوازا باشکران رەوشی ژ ھەموو ئالییان ڤە کر، ل گۆری ئامارا حکومەتا ئیراقێ، د خوەنیساندانین دوھی دا خوەنیشاندەرەک ھاتبوو کوشتن و دوسەد کەس کو چل ژ وان ھێزێن ئێمناھی بوو بریندارببوون.