نێچیرڤان بارزانى: مام جه‌لال سیمبۆلا كارێ هه‌ڤپشك بوو
سه‌رۆكێ هه‌رێما كوردستانێ په‌یامه‌ك د سالڤه‌گه‌را وه‌غه‌را مام جه‌لالی دا به‌لاڤ كر و راگه‌هاند: مام جه‌لال سیمبۆلا كارێ هه‌ڤپشك بوو و وه‌غه‌را وى ڤالاهیه‌كا مه‌زن د سیاسه‌ت و كارێ ده‌وله‌تێ دا دروست كر.
نێچیرڤان بارزانى، سه‌رۆكێ هه‌رێما كوردستانێ دیار كر، د ناڤ كێشه و ئالۆزییێن نها یێن ئیراقێ دا، ژ هه‌رده‌مه‌كێ دى زێده‌تر هه‌ست ب ڤالاهییا مام جه‌لالى دهێته‌كرن، ل كوردستانێ ژى په‌یوه‌ندییا بهێز یا سه‌رۆك مه‌سعوود بارزانى و مام جه‌لالى، قۆناغه‌كا بهێز یا كارێ هه‌ڤپشك دروستكر و بۆ ئه‌گه‌ر كو مافێن گه‌لێ كورد د ده‌ستوورێ ئیراقێ دا بهێن چه‌سپاندن و پێگه‌هه‌كێ بهێز بۆ كوردان دروستببیت.
دا زانین ژى: مام جه‌لال مه‌زنترین پشته‌ڤانێ وى بۆ د كارێ حكومى و رێڤه‌برنا هه‌ڤپشك و دروستكرنا ئیداره‌یا هه‌ڤپشك و یه‌كبریارییێ دا.
سه‌رۆك نێچیرڤان بارزانى راگه‌هاند ژى: باشترین وه‌فادارى بۆ گیانێ مام جه‌لالى، پاراستنا ئێكرێزییێ و هه‌ڤپشكییا كارى یه د سیاسه‌ت و رێڤه‌برنێ دا و بهێزكرنا په‌یوه‌ندییێن پارتى و ئێكه‌تى و هه‌موو ئالییێن دى یه.
