جڤاتا وەزیرێن ئیراقێ ١٧ بڕیار ژ بۆ خوەنیشاندەران دەرخستن
جڤاتا وەزیرێن ئیراقێ ھەژمارەکا بڕیاران وەک بەرسڤ بۆ داخوازیێن خوەنیشاندەران دەرخستن، پشتی دوهی عادل عه‌بدولمه‌هدی سه‌رۆكێ وه‌زیرانن دگه‌ل نوونه‌رێن خوه‌نیشانده‌ران كۆمبووی.
جڤاتا وەزیرێن ئیراقێ، د کۆمبوونەکا نەئاسایی دا وەک بەرسڤ ژ بۆ داخوازیێن خوەنیشاندەران، ھەڤدە بڕیار دەرخستن، پشتی دوھی عادل عه‌بدولمه‌هدی د گەل نوونەرێن خوەنیشاندەران کۆمبووی، ژ وان بریاران، ڤەکرنا دەرگەھێ پێشکێشکرنا داخوازیێن وه‌رگرتنا پارچەیێن ئەردی و تمامکرنا بەلاڤکرنا 17 ھزار پارچەیێن ئەردی ل بەسرا د ماوەیێ چار ھەفتییان دا.
جڤاتا وه‌زیران هه‌روه‌ها بریار دا، مووچەیەکێ مەھانە ب کوژمێ 150 ھزار دیناران بۆ وه‌لاتیێن بێكار بهێت ده‌ستنیشان كرن، وەزارەتا چاندنێژی هات راسپاردن پارەی ژ وان جۆتیاران وه‌رنه‌گریت كو ئه‌ردێ خوه یێ چاندی ب كرێ گرتی.
هه‌ر ل گۆری بریارێن جڤاتا وه‌زیران، كه‌سێن د خوەنیشاندانان دا بووینە قوربانی وەک شەھید بھێن ھەژمارتن و ل گۆر قانوونێ ماف و ئیمتیازاتێن شه‌هیدان ب مالباتێن وان بهێن به‌خشین.
