ھشیار زێباری: سۆزێن سەرۆکاتییێن ئیراقێ د لۆژیکی نینن

ھشیار زێباری، ئەندامێ مەکتەبا سیاسی یا پارتی راگەھاند: سۆزێن ھەرسێ سەرۆکاتییێن ئیراقێ د لۆژیکی نینن و حکومەت نەشێت بجھـبینیت.
ھشیار زێباری، کو پێشتر وەزیرێ دەرڤە و دارایی یێ ئیراقێ ژی بوو، ل دۆر خوەنیشاندانێن بەغدایێ پەیامەک بەلاڤ کر و راگەھاند: سۆزێن ھەرسێ سەرۆکاتییێن ئیراقێ بۆ بێدەنگکرنا خوەنیشاندەران داین، د لۆژیکی و کەتواری نینن و حکومەت ب چ رەنگان نەشێت بجھـبینیت.
زێباری داخواز ژ ھەرسێ سەرۆکاتییێن ئیراقێ کر، ل گۆرەی کەتوارێ نھا ھزربکەن و سۆزێن وەھا بدەن، کو بشێن بجھـبینن، ژبەرکو ب قەبارێ 30 ملیار دۆلاران کورتھێنان د بودجێ دا ھەیە و حکومەت نەشێت چ کارێن ژ خوە مەزنتر بکەت.