بارزانی و بالیۆزێ فرەنسا گھۆرینێن دەڤەرێ گۆتوبێژکرن

سەرۆک بارزانی، ئەڤرۆ ل ھەولێرێ پێشوازی ل بالیۆزێ فرەنسا ل ئیراقێ کر، باس ل رەوشا سووریێ و گھۆرینا ھەڤکێشەیا سیاسی و مەیدانی ل رۆھلاتێ باکوورێ سووریێ و ئازارێن کوردێن سووریێ باسکرن.
سەرۆک مەسعوود بارزانی، ئەڤرۆ رۆژا دوشەمبێ ل سەلاحەددین پێشوازی ل برۆنۆ ئۆبێر، بالیۆزێ فرەنسا ل ئیراقێ کر، د ھەڤدیتنێ دا ئۆلیڤێ دیکۆتینی، کونسولێ گشتی یێ فرەنسا ل ھەولێرێ ژی ئامادەبوو، رەوشا سیاسیی و داوی پێشھاتەیێن ل سەر ئاستێ ناڤچێ باس کرن، ھەروەھا پرۆسەیا سیاسیی یا ئیراقێ و خوەنیشاندانان گۆتوبێژکرن.
سەرۆک بارزانی و برۆنۆ ئۆبێر د کۆمبوونا خوە دا رەوشا سووریێ و گھۆرینا ھەڤکێشەیا سیاسی و مەیدانی ل رۆژھلاتێ باکورێ سووریێ گۆتوبێژکرن، ھەردو ئالییان دلگرانییا خوە ژ نەھامەتی و ئازارێن گەلێ کورد و چارەنڤیسێ وان ل سووریا دیارکرن.