لقێ8 كێشه‌یه‌كا جڤاكى دناڤبه‌را دووبنه‌مالان دا چاره‌سه‌ركر

محه‌مه‌دسدیق

د چوارچووڤێ بزاڤ و چالاكیێن نڤیسینگه‌ها كومه‌لایه‌تیا لقێ هه‌شت یا پارتى دیموكراتى كوردستاندا بو چاره‌سه‌ركرنا ئاریشێن جڤاكى، ب به‌رهه‌ڤبوونا دكتور عه‌لى ته‌ته‌ر ئه‌ندامێ جڤاتا سه‌ركردایه‌تیا پارتى، ئاریشه‌یه‌كا كومه‌لایه‌تى دناڤبه‌را بنه‌مالا (عه‌باس ره‌مه‌زان محه‌مه‌د چونكى و نه‌جم یوسف محه‌مه‌د شیف ئه‌رمنى) دا هاته‌ چاره‌سه‌ركرن، كو ئه‌و ئاریشه‌ ل روژا ئێكى ته‌باخا ئه‌ڤ ساله‌ دا رویدابوو و د ئه‌نجامدا كه‌سه‌كێ گیانێ خوه‌ ژ ده‌ستدابوو، پشتى بزاڤ و چالاكیێن به‌رده‌وام یێن نڤیسینگه‌ها كومه‌لایه‌تى یا لقێ هه‌شت ب سه‌رپه‌رشتیا عبدالله بشار، ئه‌ڤ ئاریشه‌ ب به‌رهه‌ڤبوونا ژماره‌كا زوور ژ كه‌سایه‌تیێن خێرخواز و مروڤێن ئایینى و رهسپیێن ده‌ڤه‌رێ هاته‌ چاره‌كرن و لێكخوه‌شبوون دناڤبه‌را واندا هاته‌ كرن، پاشى به‌رپرسێ لقێ هه‌شت سوپاسیا هه‌مى ئالییه‌كێ كر كو هاریكاربینه‌ بو چاره‌سه‌ركرنا ڤێ كێشا جڤاكى ودێ به‌رده‌وام بن بو نه‌هێلانا هه‌مى كێشه‌یێن كومه‌لاتى ل ده‌ڤه‌رێ.