هەولێر.. پەڕلەمان و حکوومەت پرۆژەیێ چاکسازییان گۆتوبێژ دکەن

لژنەیا هەڤپشک یا حکوومەتا هەرێما کوردستانێ و پەڕلەمانێ کوردستانێ د کۆمبوونێ دایە و بابەت گرێدایی پرۆژەیێ چاکسازییانە.
ل گۆری زانیاریێن وار، ئەڤرۆ سپێدێ سات 10 ، لژنەیا هەڤپشک یا حکوومەتا هەرێما کوردستانێ و پەرلەمانێ کوردستانێ ل ئاڤاهیێ جڤاتا وەزیرێن هەرێمێ، کۆم بوویە، کۆمبوون تا نها بەردەوامە و دانوستاندن ل سەر پرۆژەیێ چاکسازییێن مووچە، دەرمالە و مووچەیێن خانەنشینان دهێنە کرن.
مەسروور بارزانی، سەرۆکێ حکوومەتا هەرێما کوردستانێ و قوباد تالەبانی، جێگرێ سەرۆکێ حکوومەتێ، د کۆمبوونێ دا پشکدارن.
حکوومەتا هەرێما کوردستانێ بەری نها پرۆژەیێ چاکسازییان گۆتوبێژ کرییە، وەزارەتان بۆچوونێن خوە ل سەر داینە و پشتی لژنەیا هەڤپشک یا حکوومەتێ و پەڕلەمانی ئەڤرۆ ل سەر رێک دکەڤیت، پرۆژە دێ بۆ پەڕلەمانی هێتە هنارتن.