رێڤەبەرییا خوەسەر ئامادەباشییا گشتی راگەھاند

رێڤەبەرییا خوەسەر ل رۆژئاڤایێ کوردستانێ ئامادەباشییا گشتی بۆ 3 رۆژان راگەھاند و دیار کر کو جڤاکا نێڤدەولەتی ل ھەمبەر ھەر کارەساتەکا مرۆڤی بەرپرسیارە.
رێڤەبەرییا خوەسەر یا باکۆر و رۆژھەلاتێ سوورییێ د بەیانەکێ دا بۆ رایا گشتی راگەھاند: د گەل زێدەبوونا کۆمێن سوپایێ تورکیا و چەکدارێن ئۆپۆزسیۆنێ ل سەر سنۆری بۆ ھێرشکرنێ ل سەر دەڤەرێن وان، رێڤەبەرییا وان ئامادەباشییا گشتی بۆ دەما 3 رۆژان ل سنۆرێن دەستھەلاتا خوە رادگەھینیت و داخوازێ ژ ھەموو رێڤەبەری، سازی و گەلێ خوە دکەن ژ بۆ بەرێ خوە بدەن دەڤەرێن سنۆری و ب ئەرکێ خوە یێ بەرخوەدانی راببن و گەلێ کوردستانێ ژ دەرڤە ژی ب رێیا خوەنیشاندان و مانگرتنان فشارێ ل وان وەلاتان بکەن یێن لێ.
رێڤەبەرییا خوەسەر ھەروەسا گۆتییە: ئەو نەتەوەیێن ئێکگرتی ب ھەموو سازییێن وێ ڤە، ئەمریکا، ئێکەتییا ئەورپا و رۆسیا و ھەموو وەلاتێن خوەدی بریار د پرسا سووری دا، بەرپرسێن ئەخلاقی و وجدانی یێن ھەر کارەساتەکا مرۆڤی ل باکۆرێ رۆژھەلاتێ سوورییی دبینن.