سەرۆکاتییا هەرێمێ: بێرێزی ل هەمبەر هەڤپەیمانان ناهێت قەبوولکرن
سەرۆکاتییا هەرێما کوردستانێ هەڤکارییا پێشمەرگە و هەڤپەیمانان ب دیرۆکی ناڤ کر و راگەهاند: نابیت خەبات و بریارێن سیاسی بهێنە تێکەلکرن.
د راگەهاندنەکێ دا، سەرۆکاتییا هەرێما کوردستانێ ئاماژە ب رۆلێ هێزێن هەڤپەیمانییا ناڤدەولەتی ب سەرکێشییا سوپایێ ئەمریکا هەر ژ دەما راگەهاندنا دەڤەرا دژەفڕینێ یا سالا 1991ێ ل کوردستانێ تا هەڕفاندنا رژێما بەعس یا ئیراقێ و پاشان ژناڤبرنا رێکخستنا تیرۆرستی یا داعشێ دا و راگەهاند: هێزێن هەڤپەیمانان و ب تایبەت یێن ئەمریکا مل ب ملێ پێشمەرگەیێ کوردستانێ قوربانی دانە و نابیت خەباتا وان ل گەل بریارێن سیاسی یێن نەخواستی یێن نها بهێنە تێکەلکرن.
سەرۆکاتییا هەرێمێ هەروەسا وەک ئاماژە ب هەلوەستێن رۆژێن بووری ل دۆر ڤەکێشانا هێزێن ئەمریکی ژ رۆژئاڤایێ کوردستانێ بۆ بنگەهێ وان یێ سەربازی ل هەولێرێ راگەهاند: هەرێما کوردستانێ نرخەکێ گران بۆ ئەرک و خەباتا هێزێن ئەمریکی ددانیت و نابیت ب چ رەنگان بێرێزی لێ بهێتە کرن.
