مه‌كگۆرك: مه‌حاله‌ بێى كوردان به‌غدادى هاتبا كوشتن

بڕێت مه‌كگۆرك، نوونه‌رێ به‌رێ یێ سه‌رۆكێ ئه‌مریكا بۆ شه‌رێ دژى داعشێ راگه‌هاند: بێى پشكدارى و هاریكارییا كوردان ئه‌بوبه‌كر به‌غدادى نه‌دهاته ‌كوشتن.
مه‌كگۆركى د تویته‌رێ خوه ‌دا به‌لاڤ كرییه‌، كوشتنا سه‌ركرده‌یێ داعشێ ئه‌بوبه‌كر به‌غدادى، گاڤه‌كا بهێز یا ب دوماهیئینانا داعشێ و دربه‌كێ گرانه‌ بۆ به‌ره‌یێ تۆندره‌ و رێكخستنێن تیرۆرى، ئه‌ڤ كاره‌ ژى نه‌دهاته‌ كرن، گه‌ر هاریكارى و پشكدارییا راسته‌وخوه‌ یا كوردێن هه‌ڤپشكێن ئه‌مریكا نه‌با.
مه‌كگۆركى په‌سنا رۆلێ كوردان ل ئیراقێ و سووریێ د شه‌رێ دژى داعشێ دا دایه‌ و دیار كرییه‌، مه‌حاله ‌بێى كوردان به‌غدادى هاتبا كوشتن و سه‌ركه‌فتن ب سه‌ر داعشێ دا هاتبا راگه‌هاندن.