رۆژئاڤایێ کوردستانێ.. 3 پەقین چێبوون و کوشتی و بریندار ل پاش خوە ھێلان

سێ ترومبێلین مینرێژکری ئەڤرۆ ل رۆژئاڤایێ کوردستانێ پەقین، کوشتی و بریندار ل پاش خوە ھێلان.
نائیل کادیرھان پەیامنێری وار ل باکۆرێ کوردستانێ و تورکیا راگەھاند؛ ئەڤرۆ سپێدێ ترۆمبێلەکا مینرێژکری ل ناڤەندا باژارێ عەفرینێ یێ رۆژئاڤایێ کوردستانێ، پەقی.
ل گۆری ئاگاھییێن نەرینگەھا سووری یا مافێن مرۆڤی، پەقین ل نێزیک بازارەکێ فێقی چێبوویە و پێنج کوشتی و دەھـ بریندار ل پاش خوە ھێلاینە، لێ دیار نینە کا سڤیلن یان ژی میلیشایێن سەر ب تورکیا ڤە.
ھەڤەدەم ژێدەرێن نووچەیان یێن رۆژئاڤایێ کوردستانێ بەلاڤکر: کو ل ناڤەندا ناوچەدارییا شەرایێ ژی ترومبێلەکا مینرێژکری پەقی بێ کو زیانان ئاشکرا بکەت.
ھەمان ژێدەر دا زانین ژی: کو نێزیکی سات یازدە نیڤ ل باژارێ حەسەکێ ژی ترۆمبێلەکا مینرێژککری پەقی، چار سڤیل بریندار بوون و زیانێن مادی یێن مەزن ب جھێ پەقینێ کەفتن.
تا نھا چ ئالییان بەرپرسیاری ژوان ھەر سێ پەقینان رانەگەھاندییە.