به‌رپرسێ لقێ ٨ سه‌رى ل چه‌ند جهه‌كا دكه‌ت
نڤیسین: شعبان سه‌لمان ئاسنگه‌ر
دكتور عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان و د گه‌لدا شانده‌كێ كارگێرێن لقێ، سه‌ره‌دانا هه‌ر ئێك ژ لژنه‌یێن زاگروس یا فه‌رمانبه‌ران و لژنه‌یا زاخو یێن رێكخستنێن پارتى كرن، د دیدارێن جودادا دگه‌ل به‌رپرسێن وان لژنه‌یان دكتور عه‌لى ته‌ته‌ر به‌حسێ ره‌وشا رێكخستنا پارتى ل وان ده‌ڤه‌ران هاته كرن و په‌سنا رولێ كادرێن پارتى ژى هاته كرن و ئاماژه دا وێ یه‌كێ كو پێدڤییه كادرێن مه پتر هه‌ول بده‌ن بو چه‌سپاندن و بجهكرنا دیموكراسییه‌تێ و داد په‌روه‌ریێ ب تایبه‌ت ئه‌و كادرێن مه یێن كو فه‌رمانبه‌رن پێدڤییه پتر گرنگیێ بده‌نه سڤككرنا بارێ وه‌لاتییان و خزمه‌ته‌كا ژ هه‌ژى پێشكێشى وان بكه‌ن زێده‌بارى بهێزكرنا پێگه‌هێ پارتى دیموكراتى كوردستان وه‌ك پارتییه‌كا پێشه‌نگ و ئازا و خودان بیرو باوه‌ر د ناڤ خه‌لكى دا بهێته راگرتن و پێشڤه‌برن
…………………….
جڤاتا ئافره‌تێن زاخو ل ژێر چاڤدێرییا دكتور عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان، رابوون ب ڤه‌كرنا سێ خولێن د بوارێن دروار، جوانكارى و كومپیوته‌رى دا بو هه‌ژماره‌كا ئافره‌تێن سه‌ر ب وێ رێكخراوێ ڤه، دكتور عه‌لى ته‌ته‌ر ئه‌ڤ یه‌ك ب گرنگ ل قه‌له‌مدا و گوت ژى، ئه‌ڤ جوره خوله دێ بنه پالده‌ر بو وان خانمێن به‌شداریێ تێدا دكه‌ن و دا كو بشێن فێرى كاره‌كێ ببن و ل پاشه‌روژێ ببنه هاریكار بو مالێن خوه ب وى كارى ژێده‌ره‌كێ بو ژیانا خوه په‌یدا بكه‌ن دا كو پێ بژین و هه‌ر وه‌سا به‌رپرسێ لقێ هه‌شت ده‌ست خوه‌شى ل جڤاتا ئافره‌تان كر و پشته‌ڤانییا خوه بو وان دیار كر
…………………….
هه‌ر ئه‌ڤرو دكتور عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان، سه‌ره‌دانا هه‌ر ئێك ژ لقێ ئێكه‌تییا قوتابیێن كوردستانێ و ناڤه‌ندا بالا یا لاوان ل زاخو كرن، د دوو دیدارێن جودادا دگه‌ل ده‌سته‌یێن هه‌ر ئێك ژوان ئالیان، دكتور عه‌لى ته‌ته‌ر پشته‌ڤانییا خوه و سه‌ركردایه‌تییا پارتى بۆ قوتابى و لاوان دیار كر، و ته‌كه‌ز كر ئه‌و دوو سازیێن گرنگن بو پارتى كو تێدا كار بو دیموكراتیزه‌كرنا سیسته‌مێ ژیانێ و په‌یداكرنا دادپه‌روه‌ریێ دهێته كرن و هیڤى خواست كادرێن وان به‌رده‌وام بن د پێشڤه‌برن و په‌یره‌كرنا بنه‌مایێن دیموكراتیێ و بلند كرنا ئاستێ باوه‌رییا وان هه‌ردوو چینان و خودان ده‌ركه‌فتنا ل ئاریشه و گازنده‌یێن قوتابى و لاوان، لدوماهیێ ژى دكتور عه‌لى ته‌ته‌ر سوپاسییا ده‌سته‌یێن هه‌ر دو سازیێن ناڤبرى كر و هیڤییا سه‌ركه‌فتنێ بو وان خواست
…………………….
دكتور عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان و دگه‌ل دا شانده‌كێ ژ كارگێرییا لقێ هه‌شت سه‌ره‌دانا سه‌ندیكایێن كرێكاران ل زاخو كرن و ژ لایێ به‌رپرسێ وانڤه هاتنه پێشوازى كرن، د دیداره‌كێ به‌حسێ ره‌وشا كرێكاران ل ده‌ڤه‌رێ هاته كرن و رول پیگه‌هێ كرێكاران د پێشڤه‌برنا وه‌لاتى دا ب گرنگ لقه‌له‌م دان و ده‌ست خوه‌شى ل وان كرن، هه‌روه‌سا دكتور عه‌لى ته‌ته‌ر پشته‌ڤانییا خوه بو سه‌ندیكا كرێكاران ده‌ربرى ب مه‌ره‌ما پێشڤه‌برنا كارى و ئه‌نجام دانا چالاكیێن وان
