ل به‌غدا و 4 پارێزگه‌هێن دی مانگرتنێ ده‌ست پێ كر
خوه‌نیشانده‌رێن ئیراقێ ئه‌ڤرۆ ل به‌غدا یا پایته‌خت و هه‌ژماره‌كا پارێزگه‌هێن دی ده‌ست ب مانگرتنه‌كا گشتی كر، وه‌ك نه‌رازیبوون ل سه‌ر جێبه‌جێنه‌كرنا داخوازیێن خوه‌نیشانده‌ران
سه‌لاح بامه‌رنی په‌یامنێرێ وار ل به‌غدا دیاركر، ئه‌ڤرۆ ل هه‌ژماره‌كا تاخێن به‌غدا خه‌لكێ نه‌رازی، فه‌رمانبه‌ر و خوه‌نیشانده‌ران مانگرتنه‌كا گشتی راگه‌هاندن، وه‌ك نه‌رازیبوون ل سه‌ر پشت گوهـ هاڤێتن و جێبه‌جێنه‌كرنا داخوازیێن خوه‌نیشانده‌ران ده‌ست پێ كرن.
مانگرتییان رێكێن سه‌ره‌كی دائێخستینه هه‌روه‌ها ل چه‌ندین فه‌رمانگه‌هێن ده‌وله‌تێ بایكۆتا ده‌وامێ ده‌ست پێ كریه.
په‌یامنێرێ وار ئاماژه‌كر، ژبلی به‌غدا ل هه‌ر یه‌ك ژ به‌سرا، ناسریه، میسان، دیالا و هه‌روه‌ها ل كه‌ربه‌لا مانگرتنا خه‌لكێ نه‌رازی ده‌ست پێ كرییه، چه‌ندین رێكێن سه‌ره‌كی و سازی و بانك هاتینه دائێخستن، هه‌روه‌ها رێ ل فه‌رمانبه‌ران دهێته گرتن كو ده‌وامێ نه‌كه‌ن.
