گرێ سپی.. میلیشیایان ب دەھان خورت رەڤاندن

میلیشیایێن سووری یێن سەر ب تورکیا ڤە ب دەھان خورتێن گرێ سپی دەستەسەر کرن و بەر ب جھەکێ نەدریار ڤە رەڤاندن و ھەموو دەرییێن باژاری گرتن.
ژێدەرێن نووچەیان یێن رۆژئاڤایێ کوردستانێ دیار کر؛ پشتی داگیرکرنا گرێ سپی و سەرێ کانییێ ل رۆژئاڤایێ کوردستانێ ژ ئالییێ سوپایێ تورکیا و میلیشیایێن ئۆپۆزسیۆنا سووری یێن سەر ب تورکیا ڤە، میلیشیایان دەست ب رەڤاندنا وەلاتییان و تایبەت وەلاتییێن دەڤەرێن داگیرکری کرییە و دوھی ب دەھان خورت ل ناڤا باژارێ گرێ سپی دەستەسەر کرینە و ھەموو رێیێن دچنە ناڤا باژاری، گرتینە.
میلیشیایێن سووری یێن سەر ب تورکیا ڤە، پشتی داگیرکرنا ھەرێما عەفرینێ ژی ل رۆژئاڤایێ کوردستانێ ل سالا ٢٠١٨ێ، ب ئاوایەکێ سیستەماتیک رۆژانە ب دەھان خورتێن ناڤەند و گوندەوارێن وێ بەر ب جھێن نەدیار درەڤینیت و ل ھەمبەر کۆژمێن دراڤی یێن دەستنیشانکری، ئازاد دکەت.