برینا ھێلا ئەنتەرنێتێ ئاماژەیە کو خوەنیشاندان ژ دەست دەرکەفتن

رۆژنامەیەکا ئەمریکی بەلاڤکر: برینا ھێلا ئەنتەرنێتی ژ ئالیێ حکومەتا بەغدا ڤە، ئاماژەیەکە کو خوەنیشاندان ژ دەست حکومەتێ دەرکەفتینە.
د راپۆرتەکا خوە دا رۆژنامەیا نیۆیۆرک تایمز، ئاشکەرا کر: ل دەستپێکا حەفتییا بۆری مەزنترین خوەنیشاندان ژ سەردەمێ کەفتنا سەدامی ل بەغدا ب رێڤەچوون کو پتری دوسەد ھزار وەلاتییان پشکداری تێدا کربوو و ھەمییان دروشم ل دژی حکومەتێ بلندکربوون و ئەڤجارە داخوازا دەرخستنا ئیرانێ دکر نەک ئەمریکا.
دیار ژی کر: شڤێدی ژ نیشکەکێڤە حکومەتا بەغدا بریارا برینا ھێلا ئەنتەرنێتێ دا و ل دەستپێکا مەھا بۆری ژی حکومەتێ ھەمان ھەلویست گرتبوو بەر پشتی زانی کو خوەنیشاندان ژ دەست دەرکەفتن و برینا ڤێ جارێ ژی وێ دگەھینیت کو خوەنیشاندانێن ئیراقێ ژ دەست دەرکەفتینە.