خوەنیشاندانێن ئیراقێ بۆ رۆژا 19 بەردەوامن
خوەنیشاندانێن ئیراقێ ئەڤرۆ بۆ رۆژا 19یێ بەردەوامن، ل مه‌یدانا خەلانی ل بەغدا ئالۆزی د نێڤبەرا ھێزێن ئێمناھی و خوەنیشاندەران دا پەیدابووینە.
خوەنیشاندانێن ئیراقێ ئەڤرۆ بۆ رۆژا 19یێ ل بەغدا و چەندین پارێزگەھێن باشوورێ ئیراقێ بەردەوامن، ل مه‌یدانا خەلانی، ئالۆزێ د نێڤبەرا ھێزێن ئێمناھیێ و خوەنیشاندەران دا پەیدابوویە و بۆمبەیێن رۆندکرێژ ل دژی خوەنیشاندەران دھێن بکارئینان.
ل پارێزگه‌ها زیقار 4 سڤیل د خوه‌نیشاندانان دا هاتن كوشتن و 130 بریندارن، عەمید محەمەد سەعید فەرماندارێ پۆلیسێن زیقار ژی دەست ژ کارکێشانا خوە راگەھاند ژبەر کو ناخوازیت د گەل خوەنیشاندەران ب شەر بچیت.
ھەروەھا سەندیکا مامۆستایان داخواز ژ ھەموو فەرمانبەرێن خوە کر سوبە سات 10ێ سپێدێ ل ھەموو پارێزگەھێن ئیراقێ خوەنیشاندانەکا ئێکگرتی دەستپێبکەن و بەر ب مه‌یدانێن خوەنیشاندانان بچن.
كۆمه‌لا بەرگریکرنێ ژ مافێن رۆژنامەڤانان ژی ب نیازه ل رۆژا شەمبیا بهێت، خوەنیشاندانان ژ بۆ راوەستاندنا توندوتیژیێ ل دژی رۆژنامەڤانان بکەن.
