كولیژا سه‌ربازى یا زاخو ئاهه‌نگا ده‌رچوونا خولا (26)ـێ گێرا
محه‌مه‌دسدیق
ب به‌رهه‌ڤبوونا سه‌روكێ هه‌رێما كوردستانێ و به‌رپرسێ لقێ هه‌شت یا پارتى و هه‌ژماره‌كا پله‌دار و به‌رپرسێن حكومى و حزبى كولیژا سه‌ربازیا زاخو ئاهه‌نگا ده‌رچوونا گه‌را بیست و شه‌شێ گێرا كو تێدا دووسه‌د و سیه و سێ ئه‌فسه‌رێن پێشمه‌رگه‌یى هاتنه پێگه‌هاندن، ئه‌ڤرو ل باره‌گایێ كولیژا سه‌ربازى یا زاخو، ئاهه‌نگا ده‌رچوونا گه‌را بیست و شه‌شێ هاته گێران و نێچیرڤان بارزانى سه‌روكێ هه‌رێما كوردستانێ پشكدارى رێوره‌سمان بوو و دگوتاره‌كێ دا گوت، پیروزباهیێ ل قوتابیێن ده‌رچوویى دكه‌م و ئه‌ڤرو ئه‌ڤ كولیژه بو خه‌لكێ زاخو و عیراقێ شانازییه‌كا مه‌زنه، هه‌روه‌سا نێچیرڤان بارزانى راگه‌هاند، كوردستانێ پێدڤى ب هێزه‌كا نیشتیمانى هه‌یه و نابیت پێشمه‌رگه هێزا ڤێ حزبێ و یا دیتر بیت، پێشمه‌رگه ل سه‌ر ئاستێ جیهانێ ب سیمبوولا به‌رخوه‌دانێ هاتییه ناسكرن و نابیت پێشمه‌رگه ب خوه ژى خوه ب هێزا حزبه‌كێ بزانیت، دهێته زانین دووسه‌د و سیهـ و سێ فێرخواز د خولا بیست و شه‌شێ دا ده‌رچوون كو هه‌مى ئه‌فسه‌رێن پێشمه‌رگه‌یى نه ژ پله‌یێن جیدار هه‌تا سه‌رهه‌نگ و وه‌ك فێرخواز د گه‌را بیست و شه‌شێ دا بو نه‌هـ مه‌هان هاتنه پێگه‌هاندن، هه‌روه‌سا پێگه‌هاندنا فیرخوازان ل كولیژا سه‌ربازییا زاخو د وارێ پراكتیكى و تیوریدا دهێته كرن كو ژ سالا هه‌زار و نه‌هسه‌د و نوت و شه‌شێ و تا نها پترى حه‌فت هه‌زار كه‌س ژ ڤێ كولیژێ ده‌رچووینه.
