به‌شار ئه‌سه‌د: چ تشته‌ك بناڤێ زۆرینه‌یا كوردان ل سووریێ نینن
سه‌رۆكێ رژێما سووریێ راگه‌هاند: چ تشته‌ك بناڤێ زۆرینه‌یا كوردان ل سووریێ نینن و دیمه‌شق د چ ده‌مان دا جوداخوازییێ قه‌بوول ناكه‌ت.
به‌شار ئه‌سه‌د، سه‌رۆكێ رژێما سووریێ بۆ كه‌نالێ فه‌رمى یێ رۆسیا گۆت: چ تشته‌ك ب ناڤێ زۆرینه‌یا سیاسى ل باكۆرێ سووریێ نینه و پشكه‌كا بچووك یا كوردان داخوازا ئۆتۆنۆمى و جودابوونێ دكه‌ن، لێ دراستییێ دا ئه‌و ده‌ڤه‌ر د عه‌ره‌بی نه له‌و سووریا تایبه‌تمه‌ندییا خوه هه‌یه و نه وه‌كى ئیراق و توركیا یه، كو پشكه‌كا ئاخا وان یا كوردانه.
گۆت ژى: دیمه‌شق د چ ده‌م و ره‌وشان دا جوداخوازییێ قه‌بوول ناكه‌ت و دێ به‌رهه‌نگارى هه‌ر بزاڤه‌كا پارچه‌كرنا ئاخا سوورییێ بیت.
ل دۆر چێكرنا ده‌ڤه‌را ئارام ژى ئه‌سه‌دى گۆت: نیازا ئه‌ردۆگانى داگیركرنا باكۆرێ سووریێ یه، دا كو بۆ تیرۆرستێن خوه بكه‌ته ده‌ڤه‌ره‌كا ئارام، لێ رژێم ڤێ یه‌كێ قه‌بوول ناكه‌ت و زوو یان دره‌نگ دێ ئاخا خوه ڤه‌گه‌رینیت.
