نێچیرڤان بارزانى ل گه‌ل وه‌زاره‌تا پێشمه‌رگه‌ى كۆم دبیت
سه‌رۆكێ هه‌رێما كوردستانێ ئه‌ڤرۆ ل گه‌ل وه‌زاره‌تا پێشمه‌رگه‌ى كۆم دبیت و پرۆسه‌یا چاكسازى و یه‌كخستنا هێزێن وه‌زاره‌تێ گۆتوبێژ دكه‌ت.
په‌یامنێرێ وار ل هه‌ولێرێ راگه‌هاند: ئه‌ڤرۆ نێچیرڤان بارزانى، سه‌رۆكێ هه‌رێما كوردستانێ دێ ل دیوانا سه‌رۆكاتییا هه‌رێمێ ل گه‌ل وه‌زیرێ پێشمه‌رگه‌ى و فه‌رماندارییێن هه‌ردو یه‌كه‌یێن حه‌فتێ و هه‌شتێ یێن وه‌زاره‌تا پێشمه‌رگه‌ى كۆم بیت و گۆتوبێژا پرۆسه‌یا یه‌كخستنا هێزێن وه‌زاره‌تێ كه‌ت.
سه‌رۆك نێچیرڤان بارزانى د رێوره‌سمێن سووندخوارنێ دا وه‌ك سه‌رۆكێ هه‌رێمێ راگه‌هاندبوو، كارێ وى یێ ده‌ستپێكى دێ یه‌كخستنا وه‌زاره‌تا پێشمه‌رگه‌ى و پێكئینانا هێزه‌كا نشتیمانى بیت.
ئه‌ڤه دویه‌م كۆمبوونا سه‌رۆك نێچیرڤان بارزانى یه ل گه‌ل وه‌زاره‌تا پێشمه‌رگه‌ى كو ئارمانج ژێ سه‌رخستنا پرۆژێ چاكسازییان و یه‌كخستنا هه‌موو هێزێن وه‌زاره‌تێ یه.
