رۆژئاڤایێ کوردستانێ.. تورکیا دەست ب گوھەرینا دیمۆگرافی کرییە

نێرینگەھا سووری دیار کر؛ تورکیا دەست ب گوھەرینا دیمۆگرافییا گرێ سپی و سەرێ کانییێ ل رۆژئاڤایێ کوردستانێ کرییە و د رۆژێن بووری دا ب دەھان مالباتێن توندرەوان یێن دەڤەرێن دی یێن سووری، لێ خوەجھـ کرینە.
نێرینگەھا سووری یا مافێن مرۆڤی راگەھاند: تورکیا د رۆژێن بووری دا دەست ب ئینانا توندرەوێن میلیشیایێن سووری یێن سەر ب تورکیا ڤە و مالباتێن وان ژ دەڤەرێن دی یێن سوورییێ و ناڤا تورکیا بۆ ناڤ باژارێن گرێ سپی و سەرێ کانییێ یێن داگیرکری ل باکۆرێ سوورییێ کرییە و ل گۆری ژێدەران تا نھا ب دەھان مالبات ھاتینە ڤەگۆھاستن.
نێرینگەھێ ئاشکەرا ژی کر؛ ل گۆری ژێدەرێن باوەرپێکری؛ تنێ دوھی زێدەتری 40 کەسان ل دەرییێ سنۆری یێ سەرێ کانییێ دەربازی وی باژاری ھاتینە کرن و د مالێن خەلکێ وێ یێ ئاوارەبوویی دا، ھاتینە خوەجھکرن.
ھەروەسا دیار کر؛ تورکیا رۆژانە 2 کاروانێن ڤەگۆھاستنا کەسێن دخوازن ل سەرێ کانییێ و گرێ سپی خوەجھـ ببن، ھەنە، کو ل حەفتێ سپێدێ و حەفتێ ئێڤاری ژ باژارێن سنۆری دەنه رێ و بەری ڤەگۆھاستنا