خوه‌نیشاندانێن ئیراقێ ل سه‌ر داخوازا لادانا حكومه‌تێ رژدن
خوه‌نیشاندانێن ئیراقێ ئه‌ڤرۆ ده‌ربازی رۆژا 31ێ بوون، ئالۆزی ژی ل به‌غدا، به‌سرا، ناسریه و زیقار و هه‌ژماره‌كا پارێزگه‌هێن دی به‌رده‌وامن.
پێلا نه‌رازیبوونێن ئیراقێ ئه‌ڤرۆ چوونه د رۆژا خوه یا 31ێ دا، ل هنده‌ك ده‌ڤه‌رێن به‌غدا و پارێزگه‌هێن دی خه‌لك ل جاده‌یان دهێت دیتن و ل سه‌ر داخوازیێن ژ كارلادانا حكومه‌تێ و گوهۆرینا سیسته‌مێ برێڤه‌برنا وه‌لاتی به‌رده‌وامن.
ل پارێزگه‌ها به‌سرا ئاستا خوه‌نیشاندانان دژوار بوویه، رێكێن سه‌ره‌كی هاتینه گرتن ب تایبه‌ت سازیێن كه‌رتێ په‌ترۆلێ.
هه‌روه‌ها ل پارێزگه‌هێن زیقار، ناسریه و ب ئه‌گه‌رێ توندوتیژیا د 24 ساتێن بۆری دا روودای، خه‌لك داخوازا ده‌ركه‌تنه‌كا ملیۆنی دكه‌ت.
خوه‌نیشاندانێن ئیراقێ ل 25ی مه‌ها بۆری ل دژی گه‌نده‌لی، هه‌ژار و بێكاریێ ده‌ست پێ كربوون، حكومه‌تێ هێز ل دژی خوه‌نیشانده‌ران بكارئینا و هه‌ر زوو خوه‌نیشانده‌ران ئاستا داخوازیێن خوه بۆ ژكارلادانا حكومه‌تێ بلند كرن.
