مایک پێنس: شەرەفەکا مەزنە د گەل نێچیرڤان بارزانی کۆم بوویم

جێگرێ سەرۆکێ ئەمریکا پشتی سەرەدانا ھەرێما کوردستانێ کری د تویتەکێ دا بەلاڤ کر کو شەرەفەکا مەزنە بۆ وی د گەل سەرۆکێ ھەرێمێ کۆم بووی.
مایک پێنس شڤێدی پشتی سەرەدانا وی بۆ ھەرێمێ ھەر زوو تویتەک بەلاڤ کر و تێدا نڤێسیە، شەرەفەکا مەزنە بۆ وی کو ل شوونا سەرۆک دۆنالد ترامپ د گەل نێچیرڤان بارزانی، سەرۆکێ ھەرێما کوردستانێ کۆم بووی.
ھەروەھا نڤێسیە، ئەڤرۆ ئەو دوبارە وان پەیوەندیێن بھێز د ناڤبەرا ئەمریکا و گەلێ کورد دا یێن د دەمێ شەری دا ل ھەموو دەڤەرێ درست بووی، دوپات دکەن.
مایک پێنس دوھی رۆژا شەمبی پشتی سەرەدانا بنگەھێ سەربازی یێ ئەمریکی ل ئەنبار کری، سەرەدانا ھەولێرێ کر و د گەل نێچیرڤان بارزانی کۆم بوو و پەیوەندیێن د ناڤبەرا ھەرێم و ئەمریکا دا گۆتوبێژ کرن.