نێچیرڤان بارزانى: هه‌رێم ئاماده‌یه هاریكارییا حكومه‌تا ئیراقێ بكه‌ت
سه‌رۆك نێچیرڤان بارزانى پێشوازى ل شانده‌كا بلند یا ئه‌مریكى كر و راگه‌هاند: هه‌رێما كوردستانێ ئاماده‌یه هه‌ر هاریكاریه‌كێ پێشكێشى حكومه‌تا ئیراقێ بكه‌ت.
ئه‌ڤرۆ ل هه‌ولێرێ نێچیرڤان بارزانى، سه‌رۆكێ هه‌رێما كوردستانێ پێشوازى ل شانده‌كا ئه‌مریكى ب سه‌رۆكاتییا رۆبه‌رت كاره‌م، شیره‌تكارێ ئاساییشا نه‌ته‌وه‌یى ل سێناتا ئه‌مریكى كر و په‌یوه‌ندیێن هه‌ولێر و واشنتۆنێ و ره‌وشا ئیراقێ و پێشڤه‌چوونا په‌یوه‌ندییێن هه‌ولێر و به‌غدایێ گۆتوبێژ كرن.
سه‌رۆك نێچیرڤان بارزانى دوپات كر، كو هه‌رێما كوردستانێ دخوازیت هه‌موو كێشه‌یێن ل گه‌ل به‌غدا ب رێیا ده‌ستوورى چاره بكه‌ت، ئاماده‌ییا هه‌رێمێ ژى بۆ هه‌ر هاریكاریه‌كێ بۆ سه‌قامگیرى و ئارامییا ئیراقێ نیشاندا و داخوازا پشته‌ڤانییا ئه‌مریكا و جڤاكا نێڤده‌وله‌تى بۆ ئیراق و هه‌رێما كوردستانێ كر.
د كۆمبوونێ دا هه‌ردو ئالییان باسێ مه‌ترسیا سه‌رهلدانا تیرۆرێ و ره‌وشا ئاواره و په‌نابه‌رێن هه‌رێمێ و رۆل و پێگه‌هێ هه‌رێما كوردستانێ ل ده‌ڤه‌رێ كر.
